గుండాల మండల కేంద్రంలో మొక్కజొన్న కొనుగోలు కేంద్రాల వద్ద రైతులు ఎదుర్కొంటున్న సమస్యలపై CPI(ML) న్యూడెమోక్రసీ మరియు అఖిలభారత రైతుకూలి సంఘం (AIKMS) ఆధ్వర్యంలో మంగళవారం రైతులు నిరసన కార్యక్రమం నిర్వహించారు. ఈ సందర్భంగా రైతులు ప్రభుత్వంపై కన్నెర్ర చేశారు.
రైతుల ప్రధాన డిమాండ్లు ఇవి:
- ప్రభుత్వం కొనుగోలు చేసిన మొక్కజొన్నలను వెంటనే గోదాంలకు తరలించాలి.
- కొనుగోలు చేసిన మొక్కజొన్నకు సంబంధించిన నగదును రైతులకు వెంటనే చెల్లించాలి.
- అకాల వర్షాలకు తడిసిన మొక్కజొన్నను ప్రభుత్వం పూర్తిగా కొనుగోలు చేయాలి.
- మొక్కజొన్న కొనుగోలు కేంద్రాల్లో జరుగుతున్న అక్రమాలను అరికట్టాలి.
- రైతులకు గన్నీ సంచులు (బస్తాలు) అందుబాటులో ఉంచాలి.
- అకాల వర్షాల నుంచి మొక్కజొన్న ధాన్యాన్ని రక్షించేందుకు రైతులకు పరదాలు (పట్టాలు) ఇవ్వాలి.
